الموضوع: حملة "معاً لمناهضة التعصب" | مباراة مصر والجزائر - آلام وآمال

[QUOTE=ehabelshareef;37779]اخواني الاحياء
والله اناكان نفسي اننا نلم الموضوع ده قدر المستطاع ونسيبه للمحكمين وتحتكم البلدين لمن يفصل بينهما
وكنت فاكر ان بمرور الوقت هاتظهر الحقائق للجميع وكل الاخوة هانعرف اللي حصل ومين الجاني ومين المجني عليه
ولكن للاسف واضح ان فية ناس بتغمض عينيها عن الحقيقه مهمما كانت واضحه
عشان كده لقيت نفسي مش قادر مردش علي الاخ سفيان كونه مثال للطرح الذي يقدمه الاخوة في الجزائر عن هذا الموضوع
1- طبعا انا مع حضرتك ان مينفعش نعمم الامور ويللا ذي ماقلت نحكم العقل:
2- يا ريتك تنورنا وتقول لنا علي النظام العربي الذي يعمل لصالح القضايا العربية وخاصة قضية فلسطين ولا اقول علي حاجه اسهل فين النظام اللي بيعمل لصالح شعبه بما فيها النظام الحاكم في فلسطين نفسها ؟؟؟؟؟؟؟؟؟ الا من رحم ربي
3- ومبررات حضرتك ان الجزائر لم تقم بدورها عشان اعتبارات سياسيه طيب هي الاعتبارات دي علي الجزائر بس أما موضوع بعد المسافة فده موضوع قديم قوي وبعدين اللي عايز يعمل حاجه ما يتفضل حد منعه ولا هي كلام وخلاص , سمعت حضرتك عن شباب مصريين تسللوا الي غزه اثناء العدوان الاخير وكانوا في صف واحد مع الفلسطنيين اهو دول ممنعهمش ولا نظام ولا بعد
سمعت حضرتك عن شباب مصريين تسللوا الي العراق اثناء العدوان الامريكي ليشاركوا اخوانهم الجهاد سمعت عن المصريين في افغانستان والشيشان متهيالي محدش يقدر ينكر ده ولا ايه بس يا عم سفيان
اما بالنسبة لموضوع المبارة الاخيره مش معقول كل الشهود العيان اللي عاشوا الماساة دي كلهم بيبالغوا المعلومات اللي عندنا في مصر مش الاعلام اللي خلقها دي الناس اللي اتبهدلت علي ايد المشجعين الجزائريين المحترمين
وبعدين اللي هبوا من مصر رجاله من صفوة المجتمع سياسييين وفنانيين وشباب محترم ملوش في البلطجه ومعارك الشوارع اللي حصلت
واللي ذهبوا من الجزائر كفايه ان يكون بينهم تلك الفتاه التي اشارت بايديها الي الجمهور المصري بالحركة اياها انا راضي زمتك تقول كلمة حق لو انت قابلت فتاه مثلها في الشارع وحصل بينك وبينها مشكله هاتعمل ايه مش ها تهرب لانك محترم وما ينفعش تشتبك مع حد بالسلوك ده
وهوده يا صاحبي اللي حصل في السودان والحمدلله الف حمد ان مش جمهور الكورة الحقيقي في مصر اللي راح السودان لأن ساعتها كانت فعلا هاتبقي مذبحه بجد وكان شكلنا كعرب هايبقي اسوء من كده بكتير ده طبعا غير اللي حصل في الجزائر للشركات المصريه وفي فرنسا .
اما موضوع رجاله ده فيكفينا شهادة المصطفي صلوات الله وسلامه عليه في حديث بان بمصر خير اجناد الارض
وحضرتك عايز مصر تفتح الحدود عشان الاخوة الجزائريين يدخلوا يحرروا القدس ؟ هو الطائرات ال C130 اخرها السودان ولا ايه ؟
يا ريتنا نحكم عقلنا زي محضرتك قولت .
وكفايه بقي يا جماعه كلام في الموضوع ده
ماهو رضينا ام لم نرضي يجمعنا ببعض رباط الدين الاسلامي اقوي رباط
وكفايه العالم كله بيضحك علينا
كفايه
اخيراعذرا للجميع ان است الي احد دون قصد
وياريت تقبلوا مني هذه الهديد
[مشاهدة الروابط متاحة فقط لأعضاء المنتدى .. ][/QUOT

والله يا شريف انت قلت الا انا عايزه اقوله
ولا تعليق علية طبعا
والحمد لله احنا المصريين
عرفنا مين الا بيكرهنا بجد ومين الا بيحبنا
والشعور مبتادل وقوي جداااااااااااااا

السلام عليكم ورحمة الله وبركاته
أشكر الأخوة الكرام والأخوات الكريمات على مشاركاتهم، ولكن هناك كلمة لا بد منها:
ما بال أقوام فشلوا في تخطي هذه الأزمة وسقطوا في الفتنة وأصبحوا كارهين لإخوانهم لأنهم من البلد الآخر (سواء كان مصر أو الجزائر)...
أفلا يتعظ هؤلاء بتعاليم دينهم؟ أفلا يعون مدى خطأ مغالطة التعميم التي وقعوا فيها؟ والله يقول لنا {وَلاَ تَزِرُ وَازِرَةٌ وِزْرَ أُخْرَى}؟ هذا التعميم الخاطيء الذي يجعل فريقاً يتهم الفريق الآخر بتحمل مسؤولية ما فعله بعض السفهاء من القوم...
الحمد لله أن هناك عدداً كبيراً من شباب وشابات أمتنا الذين لم ينجرفوا في أوحال هذه الفتنة، وهذا دليل وعي وصحو في أمتنا نحمد الله تعالى عليه ونسأله أن يعيننا لنزيد هذا الوعي حتى نكون خير أمة وأمة واحدة لا تفصل بينها الحدود المصطنعة ولا القوميات ولا النزعات الوطنية الجاهلية!
فلا عزة لنا إلا بالإسلام، وإسلامنا يأمرنا بالإحسان حتى إلى من يعيش معنا من غير المسلمين، فما بالنا لا نحسن إلى إخواننا من أبناء أمتنا؟
العاقل من عاد إلى التعاليم الربانية السامية وترفَّع عن الغوغاء والانحطاط والتنازع الذي يذكرنا بحروب البسوس وداحس والغبراء في الجاهلية، والأعقل منه من قابل الإساءة بالإحسان وقام باستيعاب غيره من المنفعلين بدلاً من اللجوء إلى ردود الفعل البدائية اللاعقلانية والتي لا يرضاها ديننا ولا العقل السليم! والله تعالى يعلِّمنا: {وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} [فصلت : 34]
أسأل الله تعالى أن يعيننا على توحيد صفوفنا لنجعلها نهضة إسلامية تكون منارة للعالم أجمع والله المستعان وهو حسبنا ونعم الوكيل.
أخوكم المحب ابو مريم