ايه يا عم سفيان في ايه
هو في كده برضه
فعلا احنا نهضنا لقينا الاهرامات
بس ياريتك تحاول تقرا شويه في التاريخ
وخلينا في التاريخ المعاصر بلاش موضوع ال سبعة الاف سنه شكلها بيزعل
ملحوظه سريعه
مصر اكثر من مأئة سنه استعمار انجليزي و فرنسي ولسه كلنا بنتكلم عربي (عربي وبس)
وطبعا حركات التحرر وثورات المجاهدين المصريين لا ينكرها الا جاهل او حاقد
مصر محمد كريم ،عمر مكرم ، سعد زغلول ، احمد عرابي ، مصطفي كامل ، محمد فريد ، عبد الناصر ، رفعت الجمال الشهير برافت الهجان
مصر رفاعه الطهطاوي ، محمد عبده ، العقاد ، طه حسين ، يحيي حقي ، احسان عبد القدوس ، انيس منصور ، نجيب محفوظ
مصر نبويه موسي ، مجدي يعقوب ، احمد زويل محمد البرادعي
مصر العز بن عبد السلام ، سيد قطب ، عبد الحليم محمود ، محمود شلتوت ، متولي الشعراوي ، حسين يعقوب ، محمد حسان
طبعا ده اللي جه علي بالي دلوقت واللي ميعرفش اسم من الاسامي اللي ذكرتها يضع الاسم في محرك البحث علي النت
ومش عايز حد يفهمني غلط ده مجرد توضيح وتذكره
وفي الاول والاخر عز الاسلام هو الاهم وان كان لنا عزه وكرامه فهي كوننا بلد اسلامي عربي يحرص دائما علي اشقائه ورباط الدين بين كل منا ان لم يكن واضح الان علي مستوي الانظمه فلا احد ينكرذلك علي مستوي الشعوب والكلام ده ينطبق علي كل الشعوب العربيه والمسلمه وده مش كلام للمجاملات
انا قابلت اخوه عرب كتير اثناء العمرة ويمكن اقرب الي قلبي الاخ العزيز علي (من الجزائر)
و العزه لأي بلد مسلم هي عزه للمسلمين جميعا
مقدرش انهي هذا البوست دون ذكر مليون شهيد هم اغلي علي وعلي كل مسلم من نفسه بس بس اسمحولي اضيف عليهم شهداء حرب فلسطين 1948 وشهداء حرب اليمن وشهداء حرب 67 والاستنزاف وشهدا الثوره الليبيه بقيادة العظيم عمر المختار وشهداء حرب اكتوبر 73 (من المصريين والجزائريين والسوريين والسودانيين وغيرهم من اخواننا الذين شاركونا هذه المواجهه الوحيده ضد العدو الصهيوني بالاضافة لشهداء العراق وافغانستان والشيشان غزه واه من شهداء غزه وغيرهم كتيييييييير جاهدوا في الله واستشهدوا من اجل عزة الاسلام والعروبه
اسأل الجميع بحق كل هؤلاء الشهداء الذين ضحوا من اجلنا بارواحهم ان نكف عن هذا الحوار العقيم ونترك هذا الحدث للمحكمين
وكفاااااااااايه كده
الاخوه الاعزاء عذرا علي الاطاله واغفروا لي ان أسأت لأحد
وتحياتي للجميع
اخوكم ايهاب الشريف
1 - مسلم
2- عربي
3- مصري
ملحوظه : دي أخر مشاركة لي في هذا البوست
شكرا للجميع سلاااااااااااااااااام